Kush përdor buzëkuq rrezikon të konsumojë çdo ditë një sasi të konsiderueshme metalesh të rënda, të dëmshme për shëndetin. Një studim i kryer nga universiteti i Berkely-t në Kaliforni evidenton rrezikun potencial që fshihet te 32 lloje buzëkuqësh të shtatë markave të ndryshme. Studiuesit gjetën tek i kuqi i buzëve prani shqetësuese të plumbit, kromit, titanit, aluminit, kadmiumit dhe metaleve të tjera toksike. Studimi është publikuar në revistën “Environmental Health Perspectives”, organ i Institutit Ambiental Kombëtar në SHBA.