Cakaj: 300 pasaporta diplomatike revokohen më 31 dhjetor

Këtë të martë u raportua në media një vendim i Këshillit të Ministrave, në të cilin thuhej se “Krerët e opozitës jo parlamentare, me përjashtim të Monika Kryemadhi, duhet të dorëzojnë pasaportat diplomatike, për ndryshe do të ndalohet në pikat kufitare nga policia. Kreu i Partisë Demokratike Lulzim Basha, kreu i PR Fatmir Mediu, kreu i PDK Nard Ndoka, kreu i LZHK Dashamir Shehi, kreu i PAA Agron Duka dhe kreu i PBDNJ Vangjel Dule nuk kanë të drejtë më të pajisen me pasaporta diplomatike”.

Ministri i Jashtëm në detyrë, Gent Cakaj pranoi në Opinion se rreth 300 pasaporta diplomatike të Shqipërisë do të ishin të vlefshme deri më 31 dhjetor të vitit 2019, pa përmendur emrat e personave që këto lloj pasaportash do i revokoheshin.

Në listën e re, përpos kategorive të tjera, është përfshirë bashkëshortja e Presidentit, duke bërë që këtë privilegj ta gëzojë Monika Kryemadhi. Kjo e fundit e humbet këtë privilegj si kryetare e LSI, por përfiton për shkak se është bashkëshortja e presidentit Ilir Meta.

e.ll./dita