Ashtu siç edhe ishte paralajmëruar më parë, kompania CEZ ka nisur të ndërpresë energjinë për ujësjellësit në mbarë vendin. Kompania ka njoftuar se është ndërprerë energjia për ujësjellësit e Durrësit, Elbasanit, Sarandës dhe Laçit, për shkak se rezultojnë debitorë pranë kësaj kompanie.
Një masë e tillë do të acarojë edhe më shumë marrëdhëniet mes qeverisë dhe kësaj kompanie. Qeveria ka deklaruar se nuk do e lejojë një gjë të tillë, ndërkohë që kryetari i Bashkisë së Elbasanit, Qazim Sejdini ka deklaruar se nëse ndërpritet energjia për ujësjellësit, kjo do të thotë se shteti nuk ekziston.
Ujësjellësit ankohen se CEZ u kërkon atyre kamatëvonesat që prej vitit 2007. Ndërkohë për këtë çështje ka pasur negociata të vazhdueshme, por pa rezultat.