Çfarë dihet për Gjirin e Shëngjinit?

Gjiri i Shëngjinit ndodhet në pjesën verilindore të gjirit të Drinit ndërmjet kepit të Shëngjinit dhe grykëderdhjes së Drinit të Lezhës.

Ka gjatësi rreth 5 km dhe gjerësinë më të madhe 2 km.

Në përgjithësi është i cekët, sidomos në bregun e tij lindor, thellësitë zvogëlohen gradualisht drejt bregut.

Bregdeti lindor është i ulët dhe ranor, zonë tipike grumbullimi.

Bregdeti verior është i lartë, shkëmbor, i tipit të gërryerjes.

Gjiri i Shëngjinit është i hapur ndaj erërave jugperëndimore e perëndimore.

Në pjesën verilindore të tij shtrihet qyteti i Shëngjinit.

———

Botuar në rubrikën Enciklopedi të gazetës DITA. Materialet e kësaj rubrike bazohen në të dhënat e Fjalorit Enciklopedik Shqiptar, botim i Akademisë së Shkencave