I nderuar lexues! Beteja e Pologut (1453) ishte betejë e ushtrisë shqiptare të udhëhequr nga Skënderbeu, kundër pushtuesve osmanë. Ushtria osmane e udhëhequr nga Ibrahim Beu kishte për qëllim ta mbante Skënderbeun larg kufijve të Perandorisë, ndërkohë që forcat kryesore do të rrethonin Kostandinopojën. Në prill ushtria shqiptare i sulmoi në fushën e Pologut (Tetovës) forcat osmane përballë dhe në krahun e djathtë. Pas një goditje të fuqishme të Moisi Golemit, armiku u shpartallua. Ushtria shqiptare e ndoqi kundërshtarin nga të dy krahët deri në thellësi të fushës së Pologut.