I nderuar lexues! Kryengritja e Kurbinit (1905-1907) ishte lëvizje e armatosur kundër zgjedhës së rëndë fiskale të shtetit turk. Filloi në vjeshtë kur përfaqësuesit e popullsisë së Kurbinit të mbledhur në katundin Gjonëm, u kumtuan autoriteteve osmane se nuk do të paguajnë taksën e bagëtisë, të shërbimit ushtarak dhe të dhjetën. Me popullsinë katolike të Kurbinit u bashkua edhe ajo myslimane e Krujës. Për shkak të terrorit të ushtrisë osmane, popullsia e Kurbinit dhe e Krujës u detyrua të tërhiqet në male. Përpjekjet e kryepeshkopit katolik të Durrësit që kërkoi nga malësorët t’i bindeshin sulltanit dhe të ndërprisnin qëndresën, nuk dhanë rezultat. Pas një qëndrese të fortë, në maj 1907 autoritetet osmane u detyruan të bënin lëshime; shpallën faljen e kryengritësve, hoqën taksën mbi bagëtinë dhe shtesën mbi taksat e tjera.