I dashur lexues!
Ky emërtim erdhi pas ndarjes së re administrative të shtetit të ri shqiptar në vitin 1921. Fillimisht, zona e Krumës dhe Hasit u përfshinë në prefekturën e quajtur “të Drinit”, në fakt e Dibrës. Por paria e kësaj treve argumentoi me disa letra drejtuar qendrës, pse kjo ndarje nuk ishte e arsyeshme. Kështu Kruma u shpall qendër prefekture fill pas kërkesës së parisë së Hasit si dhe me mbështetjen e fuqishme të Bajram Currit, i cili ishte anëtar i senatit që në mars të vitit 1920. Prefektura e re mori emërtimin “Prefektura e Kosovës”, dhe përfshinte Hasin, Lumën e Malësinë e Gjakovës (Tropoja).