Diabeti është një sëmundje që mund të ndikojë në gjithë trupin, duke përfshirë edhe gojën tuaj. Kujdesi dentar është veçanërisht i rëndësishëm për njerëzit me diabet, sepse ata përballen me një rrezik më të lartë se normalja në lidhje me problemet e shëndetit oral për shkak të sheqerit në gjak .Kontrolli i pakët i sheqerit në gjak, do të shkaktojë shume probleme të mundshme në shëndetin oral. Kjo është për shkak se diabeti i pakontrolluar dëmton qelizat e bardha të gjakut, të cilat janë mbrojtësit kryesorë të trupit kundër infeksioneve bakteriale që mund të ndodhin në gojë.
Cilat janë problemet dentare tek njerëzit me diabet me rrezik të lartë?
Njerëzit me diabet përballen me një rrezik ku kemi :
Gojë të thatë: Diabeti i pakontrolluar mund të ulë rrjedhjen e pështymës, duke rezultuar në gojën e thatë. Goja e thatë mund të çojë më tej në hidhërim, ulcerat, infeksionet, dhe prishjen e dhëmbëve.
Inflamacion i gingives(mishrave të dhëmbëve).Përveç dëmtimit të qelizave të bardha të gjakut, një tjetër komplikacion i diabetit është se ajo shkakton trashjen e enëve te gjakut , e cila ngadalëson rrjedhjen ushqyese të indeve të trupit, duke përfshirë edhe gojën. Kur ky kombinim i ngjarjeve ndodh, aftësia e trupit për të luftuar infeksionet është zvogëluar, kur sëmundja periodontale është një infeksion bakterial, ku diabetikët me sëmundje të pakontrolluar mund të përjetojnë sëmundje më të shpeshta dhe më të rëndë të mishrave të dhëmbëve.
Shërimi i dobët i indeve në gojë: Njerëzit me diabet të pakontrolluar nuk shërohen shpejt pas operacionit në gojë ose procedura të tjera të dhëmbëve.
Njerëzit me diabet, të cilët shpesh marrin antibiotikë për të luftuar infeksionet e ndryshme, janë veçanërisht të prirur për të zhvilluar një infeksion fungale të gojës dhe gjuhës. Kërpudhat lulëzojnë në nivele të larta të sheqerit në pështymë tek njerëzit me diabet të pakontrolluar.
Njerëzit me diabet që pinë duhan janë në një rrezik më të lartë, deri në 20 herë më shumë për zhvillimin e sëmundjes periodontale. Pirja e duhanit gjithashtu pengon rrjedhjen e gjakut në mishrat e dhëmbëve.
Si mund të kujdesen pacientët diabetik për kavitetin oral?
Lajm i mirë për njerëzit me diabet është se duke praktikuar kujdes të mirë dentar dhe zakonet e higjienës orale, larja të paktën dy herë në ditë (ose mundësisht pas çdo vakti), me një pastë me përmbajtje të lartë fluoride dhe duke e mbajtur nivelin e sheqerit në gjak nën kontroll, potenciali për infeksion nga sëmundje periodontale do të reduktohet në masë të madhe ose duke eliminuar rrezikun e humbjes së dhëmbëve.
Çfarë duhet të bëjë një pacient diabetik kur shkon tek dentisti ?
Hani vaktin tuaj normale para vajtjes tek dentisti.
Merrni të gjitha medikamentet tuaja në orar.
Matni nivelin e sheqerit në gjak para ndërhyrjes.
Ndiqni udhëzime post-operative nga dentisti që ju këshillon.
Për shumicën e procedurave rutinë të dhëmbëve (p.sh. ekzaminimet, mbushjet e thjeshta, pastrim gurëzash etj), nuk ka ndryshime të veçanta tek pacientët diabetik. Megjithatë, në procedura shumë të vështira, të tilla si kirurgji të gjerë ose trajtimin e infeksionit , duhet pasur një trajtim rigoroz dhe një nivel i rregullt i sheqerit.
Për raste të tilla, dentisti juaj duhet të punojë me mjekun tuaj për të siguruar qasje më të përshtatshme për t’u kujdesur.
Së fundi, nëse vëreni ndonjë ndryshim të pazakonshëm në gojën tuaj (p.sh. ënjtje, dhimbje, zonat e kuqe), ju duhet të shkoni te dentisti juaj sa më shpejt të jetë e mundur. Këto ndryshime mund të tregojnë praninë e një infeksioni që mund të kompromentojë normalizimin e kontrollin të sheqerit në gjakun tuaj dhe të çojë në një përkeqësim të aftësisë suaj për të luftuar infeksionin. Si rezultat, infeksioni juaj mund të bëhet më i vështirë për t’u trajtuar.
*Kirurg oral