Kampioni i Francës, Paris Saint-Germain, ka arritur të fitojë ndaj Chelsea me rezultat 3-1 në Parc des Princes.
Ishte Ezequiel Lavezzi ai që kaloi në epërsi vendasit pas vetëm katër minutash lojë.
Në vazhdim Chelsea bëri përpjekje të mjaftueshme për t’u kthyer në lojë.
Në minutën e 27-të u akordua penalti për Blutë e Londrës dhe i saktë u tregua Eden Hazard që realizoi në këndin e poshtëm të majtë të portierit Salvatore Sirigu.
Deri në fund Eden Hazard ishte shumë pranë golit të tij të dytë për Chelsean, por pjesa e parë përfundoi me rezultat 1-1. Në pjesën e dytë PSG bëri presion, përkundër faktit se Chelsea ishte mjaft mirë në mbrojtje. Ishte David Luiz ai që realizoi një autogol në minutën e 61-të për t’i dhënë epërsinë prej 2-1 parizienëve.
Problemet për Chelsean i shtoi Javier Pastore në minutën e tretë shtesë kur realizoi për 3-1. Para ndeshjes kthyese që zhvillohet në Stamford Bridge, PSG ka avantazh të lehtë pasi me një barazim në Angli do të mund të kalojë në gjysmëfinale të Ligës së Kampionëve.