I mundur nga jeta e burgut, Chris Brown ka humbur çdo shpresë. Këngëtari 24 vjeçar ndodhet në burgun e Los Angeles pasi ka shkelur lirinë me kusht që i ishte vendosur në kuadër të dënimit të tij për dhunën e ushtruar ndaj ish të dashurës Rihanna. Miqtë e këngëtarit shprehen se ai është i dëshpëruar dhe nuk mund ta ketë më veten nën kontroll. Marsin e kaluar Brown u përjashtua nga një qendër rehabilitimi ku po kurohej për problemet e tij për kontrollimin e zemërimit pasi kishte shkelur rregullat e strukturës. Gjykatësi e ka kthyer sërish në burg ku do t’i duhet të qëndrojë të paktën deri në 17 prill.