Nëse flasim për qeverinë e parë pas shpalljes së Pavarësisë, e para qeveri kombëtare që u formua ka qenë “Qeveria e Përkohshme e Vlorës”.
Mandati i saj zgjati nga 4 dhjetor 1912 deri në 22 janar 1914.
Drejtohej nga Ismail Qemali, i cili ishte edhe ministër i jashtëm. Zëvendës i tij, ishte Dom Nikollë Kaçorri, ministër i brendshëm ishte Myfit Libohova, financat i drejtonte Abdi Toptani, arsimin Luigj Gurakuqi etj.
Kurse e para qeveri pas çlirimit të 1944-s, ka qenë “Qeveria Demokratike e Shqipërisë” që ushtroi funksionet nga 22 tetori 1944 në 22 mars 1946. Ajo drejtohej nga Enver Hoxha. Në fakt ishte një shndërrim i Komitetit Antifashist Nacional Çlirimtar në kabinet qeveritar dhe emrat përbërës ishin po ata.
Kjo qeveri kishte disa para-rendëse gjatë kohës së luftës.
Gjatë pushtimit fashist italian vepruan disa qeveri në Tiranë të drejtuara nga Shefqet Vërlaci, Mustafa Merlika, Eqrem Libohova dhe Maliq Bushati.
Gjatë pushtimit nazist, vepruan dy qeveri të drejtuara njëra nga Rexhep Mitrovica dhe tjetra nga Fiqiri Dine. / Dita /
*******
Foto: Kartolina e parë shqiptare, kushtuar Aktit të shpalljes së Pavarësisë