Cili është kuptimi i fjalës “paraspori”?

Paraspori quhej dikur pjesa e tokës së një prone që varej drejtpërdrejt nga vetë pronari, ndryshe nga toka që punonin bujqit.

Kjo e fundit nuk ishte më pronë e lirë dhe quhej bashtinë.

Bujqit e bashtinës ishin të detyruar të punonin, të mbillnin e të vilnin parasporin e pronarit.

Në shek XIV parasporitë ishin ende mjaft të gjera.

Këtë e dëshmon rasti i fshatit Dajç në rrethin e Shkodrës, pronari i të cilit kishte 14 ara.

Në paraspori fshatarët duhej siç thuhet në një dokument të kohës, “të lëronin, të mbillnin e të punonin”.

Paraspori qëndroi deri në pushtimin osman, kur me vendosjen e pronësisë feudale-ushtarake mbi tokën, të gjitha tokat e punueshme u shpallën pronë mirie (shtetërore).

b.m. / dita