SHËNIM: Çiljeta, një “Berishë” në këngë; Berisha, një “Çiljetë” në politikë!

Nuk është krejt rastësi krijimi i një simboze mes Berishës dhe Çiljetës, nuk është aspak një aksident apo një ironi fati; përkundrazi, është një pasqyrimi i ndërsjelltë mes dy stereotipeve, bartës të fenomenit ‘profan’ në fushat përkatëse të protagonizmit, brenda së njëjtës gusto tallavaje, si në muzikë e si në politikë. Çiljeta, një fenomen femëror seksi, si kinema proletariati, i ndriti ylli i famës dukë u gjendur në vendin dhe kohën e duhur, mu atëherë kur gjindja këtejpari po jetonte zenithin e lirisë postkomuniste në deklamimin e preferencave seksuale, me në qendër ‘objektivin- gjoks’të trashëguar nga zboret; që më pas, famën e saj, vendosi ta transferojë tek tallavaja në shpërthim, si një zgjidhje inteligjente ‘tregu’ në përshtatje me kohën dhe psikologjinë e turmës, porsi zgjidhja inteligjente e Berishës në kapërcyell të `90, ku, duke përfituar nga shkolla komuniste që i kish dhuruar një nuhatje prej qeni kufiri, hodhi teserën prej kartoni të PP-së, por jo atë të ambicjeve, duke u bërë një demokrat “gjoksmadh”, gjë që çoi më pas në themelimin e tallavasë së pështirë politike, që për më tepër i xhiron shiriti i kasetës në vend ç`prej 23 vjetësh. Kjo është arsyeja se përse fotoja mes të dyve, përcjell adhurim të sinqertë për njëri-tjetrin, një lloj mesazhi se vajza në fjalë është një variant i “Berishës” në muzikë; dhe e kundërta, burri nga Tropoja, është tallavaja në politikë!    / E.H.