Shqipëria po mbytet në terr. Tanimë, me përjashtim të mediave të neveritshme partiake të cilat vazhdojnë të krakërijnë për zgjedhjet lokale, duket se tema e energjisë ka zënë vendin kryesor mes preokupimeve publike. Kjo më tingëllon ironike së paku, kur kujtoj se hidrocentralet mbi Drin duhej ta kishin zgjidhur njëherë e mirë problemin e energjisë në një vend si Shqipëria, e cila praktikisht nuk ka më konsumatorë të mëdhenj industrialë, dhe energjinë elektrike e përdor kryesisht për t’u ngrohur. Edhe pa qenë ekonomist, mendoj se në rrethanat e një ekonomie kapitaliste normale e sa kohë që në treg mungon një produkt kaq i kërkuar e i domosdoshëm si energjia elektrike, ekonomia do të kishte reaguar duke investuar menjëherë në sigurimin e këtij produkti. Po ku të flasësh për “ekonomi normale” në Shqipërinë e kthyer nga Berisha në një perandori të absurdit?
SMS në DITA në 0689073730