Ç’po ja thotë bilbili pak e nga të gjitha!

Ç’po ja thotë bilbili,
në avaz të vjetër,
të Enjten do kemi,
një protestë tjetër!

Ç’po ja thotë bilbili,
sa mezi dëgjohet,
Kuvendi i Metës,
krejt do të rrethohet!

Epo kësaj radhe,
ndryshe do veprohet,
sepse policia,
do të provokohet!

Lulka e mendoi,
tani këtë punë,
të ketë provokime,
që të bëhet dhunë!

Jo që të vejë puna,
që të ndezë barotin,
po sa të përdorë,
ujin edhe shkopin!

Jo se do të bëhet,
fare kiameti,
po Lulja do thotë:
“Na dhunoi shteti!”

Ç’po ja thotë bilbili,
si në vakt nga Mborja,
në sulm do të jenë,
Kamza dhe Bathorja!

Ç’po ja thotë bilbili,
mu si nga katundi,
atmosferë e festës,
s’ndihet asgjëkundi!

Vërtetë që janë ndezur,
drita të mëdha,
po popull i shkretë,
pare për festë s’ka!

Qeveria tash,
po bën një pastrim,
por askujt këtu,
nuk i dha shpërblim!

Pensionistët s’morën,
dot as dhe një gjel,
sepse llogaria,
Ramës nuk i del!

Llogaria Ramës,
nuk i del vërtetë,
saqë as mendohet,
rrogë e trembëdhjetë!

Po të gjithë shqiptarëve,
njëlloj u shkoi fati,
se shpërblime hiç,
nuk jep as privati!

Ç’po ja thotë bilbili,
në Pukë e Mirditë:
“Shqipëri e shkretë,
është bërë kripë!”

Është bërë kripë,
kripë dhe piper,
më keq se tani,
s’ka qenë ndonjëherë!

Po kjo s’e shqetëson,
fare qeverinë,
se ajo vazhdon,
pastron Shqipërinë!

Unë për veten time,
s’jam dhe aq idiot,
po këtë parullë,
nuk e kuptoj dot!

Ndaj fillon bilbili,
këngën nga fillimi:
“U bë qeveria,
ndërmarrje pastrimi!”

Po bilbili sjell,
dhe një lajm të mirë:
“Rama ka tri ditë,
që po shkon në zyrë!”

Ka tri ditë-avionit,
që nuk i ka hipur,
ky gjest kaq i lartë,
sa na ka çuditur!

Se e kemi thënë,
për të parin ton’,
si gjysmën e jetës,
e shkon në avion!

Po shyqyr është kthyer,
edhe mban fjalime,
të dëgjojë qyfyre,
Shqipëria ime!

Thotë filozofira,
Biri i Epokës,
saqë ja kaloi,
edhe Nardi Ndokës!

Një gjë që s’e dinim,
sa erdhi e tha:
“Nuk do kishte burra,
po mos kishte gra!”

Ç’fat të madh që pate,
Shqipëria ime,
s’është kollaj të bëhen,
të tilla zbulime!

Ç’po ja thotë bilbili,
zog me zë të butë:
“Punët po na venë,
mut edhe më mut!”