Çudit Dasho Aliko: Lazarati e priti policinë në mënyrën më të mirë

Kryekomunari i Lazaratit, Dasho Aliko, thotë se lazratasit e kanë pritur në mënyrë më të mundshme policinë, gjatë aksionit që kjo e fundit bëri në këtë fshat.

Aliko si duket ka harruar që për disa ditë më radhë pati shkëmbim zjarri mes banorëve të Lazaratit dhe punonjësve të policisë.

Ai thotë se shteti i ka persekutuar lazaratasit, pasi sipas Alikos, edhe në zonat e tjera mbillet hashash, por shteti nuk ka reaguar në të njëjtën mënyrë.

“Ne negociuam me ministrin e Rendit që të na lihej afat 10 ditë për të negociuar me banorët e Lazaratit, që ata në mënyrë vullnetare të shkulnin bimët dhe më pas policia të bënte kontroll shtëpi më shtëpi dhe kjo nuk ndodhi.

Problemi i dytë është që policia në Lazarat u prit në mënyrën më të mirë, u trajtuan në mënyrën më të mirë.

Por policia a e trajtoi Lazaratin si një komunitet brenda territorit shqiptar.

Problemi i tretë është se kanabis nuk mbillet vetëm në Lazarat.

Fenomeni kanabis sativa nuk ishte vetëm problem i Lazaratit, por i gjithë Shqipërisë.

Pas Lazarartit u bë aksioni në Malësinë e Madhe dhe aty u rrëzuan dy helikopterë.

A ka njeri të arrestuar nga Malësia e Madhe sic ndodhi në Lazarat?

Qeveritarët erdhën në Lazarat si trumfatorë dhe jo si bashkëpunëtorë.

Që nga ai moment ne nuk kemi asnjë kontakt me qeverinë.

Sot Lazarati është në pikën e hallit dhe askush nuk pyet për Lazaratit”, deklaroi Aliko në emisionin “Të paekspozuarit”.