Një ngjarje e rëndë ka ndodhur në kryeqytet, teksa një grup shokësh kishin dalë për gjah.
Sipas policisë, ngjarja ka ndodhur mbrëmë në fshatin Vishnje të Tiranës, ku një 32-vjeçar ka vrarë aksidentalisht një gjahtar tjetër.
Guido Neziri, 32 vjeç, nga Kërraba, ka vrarë aksidentalisht 26-vjeçarin Rigers Kukli, nga Mulleti.
Mësohet se shkrepja fatale ka ardhur si pasojë e pakujdesisë së 32-vjeçarit Neziri, i cili është vënë në pranga nga policia menjëherë pas ngjarjes.
Policia bën me dije se ka marrë në pyetje edhe tre shokët e tjerë: Dashamir Shehi, Bashkim Alla dhe Gentian Lule, si dhe ka sekuestruar armën e vrasjes, një çifte “Bereta”.