Pas mbylljes së numërimit të votave për deputetë në Kavajë ka nisur procesi i numërimit të kutive për kryetar të Bashkisë.
Mësohet se ka përfunduar numërimi për 53 kutitë e para, ku kryeson kandidati i Partisë Socialiste Dorjan Murati.
PS- Dorjan Murati ka marrë 6869 vota;
PD- Isa Sakja 6649 vota;
LSI- Maksim Kona 1144 vota.
Raportohet se deri më tani janë numëruar kutitë e Golemit, Helmasit dhe Synejt.
Kavaja votoi të dielën për përfaqësuesit e rinj në parlament si dhe për kryetarin e ri të Bashkisë. Kujtojmë se deri pak muaj më parë Bashkia drejtohej nga Elvis Rroshi.