Kryetari i Këshillit Bashkiak të Tiranës, Aldrin Dalipi, priti në një takim këshilltarë të komunës së Gjakovës. Në një bisedë miqësore, në sallën e mbledhjeve të Këshillit Bashkiak, ku ishin të pranishëm edhe këshilltarë të Tiranës, u shkëmbye eksperiencë lidhur me punën dhe funksionin e këshillit bashkiak të kryeqytetit dhe Asamblesë Komunale të Gjakovës. Theksi u vu te promovimi i gruas në vendimmarrje në këshillat vendorë dhe rolin e tyre në rritje në miradministrimin e bashkive dhe komunave, si përfaqësi e qytetarëve.
Komuna e Gjakovës, e cila drejtohet nga Mimoza Kusari Lila, funksionon mbi vendimmarrjen e Asamblesë Komunale, e përbërë nga përfaqësues të disa partive politike.