Dallgët kanë nxjerrë një kufomë në breg të detit.
Kufoma e një mashkulli rreth 50 vjeç është konstatuar sot nga pushues tek plazhi i Gjirit të Lalzit.
Forca të shumta policia mbërritën në vendngjarje për të zbardhur rrethanat.
Burime nga policia thanë se nga këqyrja e kufomës bëhet fjalë për një burrë të moshës 50 vjeç.
Nga ekzaminimet e para mjekësore rezulton se viktima mund të ketë vdekur si pasojë e një ataku kardiak teksa lahej në det.
Po kështu mjekët konfirmojnë se trupi ka disa ditë në det dhe se nuk është mbytur 24 orët e fundit.
Kufoma u dërgua në morgun e spitali në pritje të identifikimit të tij.