Trajneri Xhani De Biazi publikoi listën e lojtarëve që do të ketë në dispozicion për ndeshjet me Danimarkën dhe Portugalinë, që do të luhen më 4 dhe 7 shtator. Spikat afrimi i Berat Xhimshitit në mbrojtje dhe konfirmimi i Alijit e Rrahmanit.
Për herë të parë në afro katër vjet në krye të Kombëtares, italiani nuk ishte prezent në sallën e konferencave në Federatë. Por, për një trajner që përveç udhëtimeve për të vëzhguar lojtarët, një pjesë të mbikëqyrjes së ekipit e realizon edhe nëpërmjet internetit, lidhja me “Skype” nuk është e pazakontë. Drejtuesi i stolit vlerëson vështirësinë dhe rëndësinë e përballjes së parë në Kopenhagen, ndërsa për momentin nuk pranon të flasë për Portugalinë.
“Ne do të japim më të mirën, edhe pse kemi pak ditë për t’u përgatitur. Me Danimarkën është një sfidë kyçe për ecurinë tonë. Nuk mund të flas edhe rreth ndeshjes me Portugalinë, dua të përqendrohem vetëm te ndeshja e radhës.
Forcat dhe vëmendja jonë janë vetëm të përballja e 4 shtatorit në Kopenhagen. Kjo ndeshje nuk është vendimtare, por shumë e rëndësishme, Do të provojmë të bëjmë lojën tonë, të tentojmë të fitojmë përballë një skuadre me lojtarë të shkëlqyer.
Kemi aq pikë sa Danimarka, por një ndeshje më pak. Në ndeshjen e fundit luajmë me Armeninë, ndërsa danezët kanë miqësore me Francën.
Nëse do të kemi grumbulluar pikët e duhura deri në sfidën finale, do të tentojmë të marrim rezultat për t’u kualifikuar direkt”, tha tekniku i kuqezinjve.
Kualifikueset vijnë në një moment delikat për Shqipërinë. Dëmtimi i Mavrajt në mbrojtje, apo fakti që kapiteni Cana dhe Ajeti nuk kanë gjetur skuadra të reja, krijojnë mjaft probleme, por trajneri i ka idetë e qarta: “Kjo është periudhë specifike, pasi disa lojtarë nuk janë pjesë e projekteve të skuadrave të tyre. Kjo na ndikon, pasi futbollistët nuk janë në formën më të mirë.
Zgjedhjet e mia taktike do të varen nga ajo që do të shoh në stërvitje. Por, mund të konfirmoj se Kukeli nuk do të luajë si qendërmbrojtës, por në pozicionin e zakonshëm përpara katër lojtarëve të repartit difensiv.
Me Danimarkën luajmë në një datë aspak normale, edhe sepse është fillimi i sezonit dhe lojtarët nuk janë në gjendjen maksimale fizike”.
De Biazi saktësoi se Shqipëria do të luajë në Danimarkë me një sulmues të mirëfilltë të mbështetur nga dy lojtarë krahu. Trajneri kuqezi kërkoi nga ekipi, që ndryshe nga sfida e barazuar 1-1 në “Elbasan Arena” në tetor të vitit të kaluar, të shfrytëzojë maksimalisht të gjithë episodet në favor.
Lista e futbollistëve të Kombëtares
Lojtari Datëlindja Ekipi që aktivizohet
Etrit Berisha 10.03.1989 Lacio
Alban Hoxha 23.11.1987 Partizani
Orges Shehi 25.09.1977 Skënderbeu
Ansi Agolli 11.10.1982 Karabak
Arlind Ajeti 25.09.1993 Bazel
Naser Aliji 27.12.1993 Vaduz
Lorik Cana 27.07.1983 Lacio
Berat Xhimshiti 19.02.1993 Zyrih
Elseid Hysaj 20.02.1994 Napoli
Andi Lila 12.02.1986 PAS Janina
Amir Rrahmani 24.02.1994 RNK Split
Amir Abrashi 17.03.1990 Freiburg
Migjen Basha 05.01.1987 Luzern
Ergys Kaçe 08.07.1993 PAOK
Burim Kukeli 16.01.1984 Zyrih
Ledian Memushaj 07.12.1986 Peskara
Herolind Shala 01.02.1992 Slovan Liberec
Taulant Xhaka 28.03.1991 Bazel
Bekim Balaj 11.01.1991 HNK Rijeka
Sokol Cikalleshi 27.07.1990 Basaksehir
Shkëlzen Gashi 15.07.1988 Bazel
Ermir Lenjani 05.08.1989 Nantë
Odise Roshi 22.05.1991 HNK Rijeka
Armando Sadiku 27.05.1991 Zyrih
Hamdi Salihi 19.01.1984 Skënderbeu
Ervin Bulku 03.03.1981 Tirana
Duhej thirrur Bernard Berisha(Skenderbeu) dhe Elbasan Rashani (Brondby). Jane 2 lojtaret shqiptare qe jane me ne forme per momentin nga gjithe keta qe jane ne liste.
Ku është Alban Meha?
Shume e sakte, Bernard Berisha duhej te ishte i grumbulluar me Kombetaren. Talent i vertete.
mire qe ka afruar perseri bulkun…. po duken da ta fusi ne organik