Gianni De Biasi ka dhënë një deklaratë interesante pas miqësores së humbur me rezultatin 1-0 kundër Italisë. Trajneri italian i kombëtares shqiptare ka mbetur i mahnitur nga tifozët panumërt kuqezi në stadiumin e Xhenovës.
De Biasi deklaroi se të paktën italianët i mposhtën me tifozë në tribuna.
“Të paktën arritëm t’i mundim në tribuna italianët dhe besoj se gjithçka shkoi mirë”, u shpreh italiani.
“Ishte një ndeshje të cilën e luajtëm mirë. U mposhtëm, por nga fusha nuk dolëm të humbur. Besoj se skuadra po ecën në rrugën e duhur”, theksoi ndër të tjerash De Biasi.