De Biazi uron shqiptarët: Sot është dita e krenarisë sonë

Ish-trajneri që shkroi historinë me Kombëtaren kuqezi, Xhani De Biazi, nuk e harron Shqipërinë.

Edhe pse po kalon një moment të vështirë pas shkarkimit nga skuadra e Alaveshit, italiani nuk ka ngurruar të uroj popullin shqiptar për Ditën e Pavarësisë.

Përmes një postimi në rrjetet sociale ai thotë se “Sot është dita e krenarisë sonë”.

Shqipëria është nënshtetësia e dytë për 61-vjeçarin dhe nuk mund të mungonte një urim i tij në këtë ditë të shënuar për Kombin shqiptar.

“Urime Shqipëri, 105 vjet shtet! Sot është dita e krenarisë sonë! Gëzuar Ditën e Pavarësisë! Gëzuar!

Auguri Albania per i 105 anni di Indipendenza! Oggi è il giorno dell’orgoglio Nazionale. Gëzuar”, shkruan ai.