Deklarata e kryeministrit Berisha, e bërë disa ditë më parë në Vlorë, vazhdon të shkaktojë zhurmë në Greqi. Kësaj radhe, sipas Balkanweb, e cila u referohet mediave greke pronarët grekë të ullishteve në Prevezë kanë dëbuar punëtorët shqiptarë.
Pronarët e plantacioneve të ullishteve e kanë cilësuar provokim deklaratën e Berishës, i cili e përfshinte Prevezën brenda territoreve shqiptare.
Kryeministri Berisha e bëri deklaratën e shumëkomentuar në Vlorë, gjatë festimeve të 100-vjetorit të pavarësisë.
Kjo ishte edhe arsyeja e anulimit të vizitës së ministrit të Jashtëm grek në Shqipëri.