Dekriminalizimi: Kod të ti Zgjedhor dhe zgjedhje

Çerek shekulli i tërë,
tani dëmi është bërë,
ka bërë mijëra skandale,
politika kriminale.

Shikon e mbetesh pa mend,
kush janë futur në Kuvend,
trafikantë edhe kodoshë,
me kuletë të shëndoshë.

Ç’i do llafet edhe fjalët,
pis janë bërë të gjitha palët,
Qershori i vuri vulën.
Pse zgjedh sorrën kur ke pulën!

Gjithë ky kriminalizim,
u bë me paramendim,
se një horr edhe një horr,
ndryshuan Kodin Zgjedhor!

Për të keqen e shqiptarëve,
u shpik listë e kryetarëve,
mund të vinin kë të donin,
nuk zgjidhnin-por emëronin!

Populli që është një hu,
do votonte kuturu,
kryetarin do besonte,
dhe s’mund të verifikonte!

Kish Partia Socialiste,
një listë klienteliste,
dhe PD-ja dale-dale,
ka rekorde kriminale!

Kjo nuk ndodhi papandehur,
se krimi nuk qe i fshehur,
se kryetarët i dinin,
mostrat që në lista vinin!

Dinte Sala dhe Edvini,
në Kuvend si futej krimi,
thirrën “të fortët” në skenë,
ta bënin tamam halenë!

Nga krimi dhe pocaqia,
është kapur gjithë shoqëria,
është molepsur me fare,
me përhapje kapilare!

Që të pastrohet haleja,
na duhen zgjedhje të reja,
dhe Kodi i parë zgjedhor,
ku kollaj s’hynte një horr!

Është larg Shtatëmbëdhjeta,
që të ndeshen këto çeta,
në Marsin e Vitit t’Ri,
kërko zgjedhje Shqipëri!

Po s’u bënë zgjedhjet e reja,
nuk pastrohet kurrë haleja,
dhe mos hapen metastaza,
njerëzit të zgjidhen nga baza!

Politika mos vonohet,
nëse do që të pastrohet,
maxhoranca të provohet,
nëse do rikonfirmohet!

Ndryshe s’do kemi shpëtim,
nga ky kriminalizim,
nga zullumi që është trashur,
që s’u trash ashtu pa dashur!

Zullumi kudo po duket,
ai kur trashet këputet,
maxhoranca të na bindi,
që “Rilindja” të rilindi!