Komisioni i Ligjeve diskutoi sot rreth projektligjit “Për disa ndryshime në ligjin nr. 10193, datë 03.12.2009 “Për marrëdhëniet juridiksionale me autoritetet e huaja në çështjet penale”. Projektligji në fjalë, i cili kompetencat për marrëdhëniet juridiksionale me të huaj dhe shpenzimet financiare për përkthimin e akteve ia kalon prokurorisë, u mbështet nga deputetët e maxhorancës. Ish-ministri i Drejtësisë, Enkeled Alibeaj, e argumenoi këtë qëndrim të maxhorancës me kostot që ai thotë se pa të drejtë i janë kaluar Ministrisë së Drejtësisë. “Përkthimi i 10 mijë akteve iu la pa të drejtë ministrisë së drejtësisë”, tha Alibeaj duke iu referuar vitit 2009.
Ndërkohë, deputeti socialist, Bashkim Fino, ngriti pyetjen nëse është marrë mendimi i prokurorisë për këtë ndryshim të kompetencave, për të cilën nga ana e përfaqësuesve të Ministrisë së Drejtësisë u dha përgjigje negative.
cfar po bet keshtu