Amir Abrashi pësoi një lëndim të lehtë pas përplasjes shpatull me shpatull, me një prej shokëve të skuadrës. Por, sipas stafit mjekësor, fatmirësisht nuk bëhet fjalë për asgjë serioze.
Mjekët e Kombëtares morën menjëherë masa, duke e fashuar shpatullën e mesfushorit të Freiburg, që gjithsesi nuk shfaqi dhimbje.
Për gjendjen e shokut të repartit u interesua menjëherë Taulant Xhaka, me dy lojtarët që biseduan në fushë, por pa shfaqur shenja shqetësimi.
Edhe mesfushori i Baselit është paraqitur në Kombëtare pas dëmtimit muskulor të pësuar te Baseli. Menjëherë lojtari do ti nënshtrohet kontrolleve me stafin mjekësor të përfaqësueses, për të vlerësuar se në çfarë pike ndodhet rikuperimi.
Në pritje të përgjigjeve zyrtare nga testet, stafi kuqezi ka dhënë garanci se dëmtimi i pësuar përpara disa javëve nuk do ta pengojë Taulant Xhakën që të luajë në Kampionatin Europian.