Qefalia: Kaçi ka ikur nga fiqiri. Stilolapsin i hodha, nuk e qëllova me kobure

Ka ikur fare nga fiqiri, themi ne tiranasit. Në mënyrë që të fitojë pikë te demokratët, Islami bëhet më katolik se Papa, pra bëhet më i flaktë edhe se vetë Berisha dhe karakterizohet nga gjuha e urrejtjes kundër socialistëve. Nuk m’u durua dhe… ndodhi ajo që ndodhi. Ishte një ngjarje e momentit. Nuk ishte ndonjë gjë kushedi, por ngjarja është zmadhuar nga mediat – thotë në këtëintervistë për DITA-n deputeti Qefalia i perfshire dje ne nje konflikt verbal me deputetin e PD, Islami.

Zoti Qefalia, si ndodhi përplasja juaj me deputetin demokrat Kastriot Islami?

Në fakt unë nuk kisha ndërmend të përplasem me Islamin. Mirëpo ky person është bërë i padurueshëm. Ka ikur fare nga fiqiri, themi ne tiranasit. Në mënyrë që të fitojë pikë te demokratët, Islami bëhet më katolik se Papa, pra bëhet më i flaktë edhe se vetë Berisha dhe karakterizohet nga gjuha e urrejtjes kundër socialistëve. Nuk m’u durua dhe… ndodhi ajo që ndodhi. Ishte një ngjarje e momentit. Nuk ishte ndonjë gjë kushedi, por ngjarja është zmadhuar nga mediat. Me siguri mediat nuk e kanë me mua, po me Kastriotin. Ato sebep duan, sidomos për Kastriotin. Edhe atyre u ka ardhur në majë të hundës nga sjellja e tij. Mbase ndonjëri ka dashur që unë ta rrihja publikisht atë, por ju them të drejtën, as e kisha ndër mend dhe as i ndyj duart me atë njeri aq të ulët. Nuk ia vlen, më kuptoni për këtë që po ju them.

Pse u zmadhua kaq shumë kjo histori sipas jush?

Nuk e di. Unë stilolapsin i hodha, nuk e qëllova me kobure. Llogarite po ta kisha rrahur… Por mendoj se të merresh me Kastriotin do të thotë t’i rrisësh vlerat një njeriu të pavlerë. Ai njeri duhet injoruar totalisht. Duhet ruajtur gjakftohtësia, edhe kur provokon Kaçi.

Po replika të tjera a shkëmbyet me Islamin? Dikur ju kini qenë në një llogore, domethënë në një parti dhe me siguri kini edhe kujtime…

Jo mor jo, ta thashë që nuk ia vlen. Kastriot Islami është një njeri i përbuzur. Me ne socialistët nuk afrohet, demokratët i largohen sikur të ketë zgjeben. Në Mallakastër këtë njeri nuk e do askush. Llogarite, i dogjën edhe xhaketën në mënyrë simbolike. Le të shkojë na Mallakastër e ta kuptojë se sa i vlen lëkura.

Po sikur Islami të kërkojë të hakmerret me ju, për shembull, të bëjë denoncim në gjykatë për fyerje?

Nuk është aq trim Kaçi. Po edhe po e bëri, atëherë edhe unë mund të merrem seriozisht me të. Po nuk ia vlen, ua thashë.

Intervistoi Xh.Shehu

* * *

Deputeti Qefalia qëllon me stilolaps Kastriot Islamin…

Deputeti i Partisë Socialiste, Xhemal Qefalia ka qëlluar me stilolaps kolegun demokrat, Kastriot Islami. Konflikti lindi gjatë debateve të forta në Komisionin e Ligjeve për ndryshimet në Kodin e Procedurës Penale dhe në të ashtuquajturin ligji “anti- mafia”. Qefalia është nxehur nga ndërhyrja e deputetit demokrat dhe e ka qëlluar Islamin me stilolaps gjatë debatit. “Po bën të fortin,” i tha Islami deputetit socialist. “Po,” iu përgjigj ai. Kryetari i Komisionit të Ligjeve, Fatmir Xhafaj tha se duhet të ruhet gjakftohtësia. Gjatë intervistës për gazetën ‘DITA’ Qefalia tha se incidenti ishte i momentit, ndërsa shtoi se të merresh me Kastriotin do të thotë t’i rrisësh vlerat një njeriu të pavlerë.

Qemal Isufaj: Kastrioti nuk e turpëron dot Mallakastrën

Lidhur me incidentin e djeshëm midis deputetëve Xhemal Qefalia dhe Kastriot Islami, ka reaguar menjëherë edhe Shoqata Atdhetare Kulturore ‘Mallakastra’. Kryetari i degës së kësaj shoqate me qendër në Ballsh, Qemal Isufaj, Mësues i Merituar, deklaroi për gazetën ‘DITA’:

“Raste të tilla përplasjesh midis deputetëve nuk janë të hijshme, sidomos kur bëhen publikisht në sytë e popullit. Mirëpo, kur merr vesh se shkaku i përplasjes është një person me emrin Kastriot Islami ndryshon puna. Ne si mallakastriotë, jo vetëm nuk ndihemi të indinjuar apo të fyer nga gjesti i deputetit Qefalia, por e falënderojmë atë. Ne jemi në krahun e Xhemalit, jo të Kastriotit. Pse? Sepse Kastriot Islami ka fyer Mallakastrën, e ka turpëruar Mallakastrën dhe ne mallakastriotët ia kemi djegur në mënyrë simbolike xhaketën në mes të Ballshit dhe e kemi pështyrë. Që në momentin që Kastrioti u bashkua me kriminelin Sali Berisha, për ne është njëlloj si Isa Toska që edhe pas 70 vjetësh mbetet një figurë e urryer krimineli. Prandaj dhe ne e kemi shpallur Kastriot Islamin person ‘non grata’. Turpi rëndon mbi të, Mallakastra me ikjen e Kastriot Islamit është bërë më e pastër dhe më e mirë.”

Incidenti: