Deputeti socialist Vladimir Kosta sulmon Shalsin: Je prepotent dhe arrogant

Ligji për Dhomat e Tregtisë ka përplasur deputetët socialist Vladimir Kosta dhe Eduart Shalsi, në Komisionin e Veprimtarive Prodhuese.

Vetë deputeti Kosta e ka bërë të ditur lajmin në Facebook, ku shkruan se kreu I Komisionit bëri sjelljen e një arrogant, prepotenti, të një mohuesi kur tha se ka mbledhur grupet e interest për të marrë mendimin e tyre lidhur me ligjin për Dhomat e Tregtisë.

“Përshëndetje miqve të mi dhe të gjithë atyre bizneseve që janë të interesuar të dinë për ligjin mbi dhomat e tregtisë.

Kam qenë pjesë e kryesisë së dhomës në Tiranë , dhe meqë kam pak njohje për aktivitetin e dhomës, propozova në komision që anëtarësimi në dhomën e tregtisë, të mos jetë i detyrueshëm për bizneset e Shqipërisë.

Propozova në komision, të marrim pjesë, ne deputetët e këtij komisioni, në mbledhjet e shoqatave për të marrë mendimin e vet biznesmenëve nëse duhet apo jo anëtarësimi i detyrueshëm ?!

Eduard Shalsi sot në komision bëri sjelljen e një arroganti, prepotenti, të një mohuesi kur thotë se ka mbledhur grupet e interesit për tu marrë mendimin e tyre !

Ed Shalsi; nuk është aspak e vërtetë që ju keni pyetur direkt biznesin, ashtu siç pretendon dhe gënjen ata 5 deputetët e komisionit.

Ti ke marrë mendimin e krerëve të dhomave dhe ata ta kanë kundërshtuar anëtarësimin e detyrueshëm.

Sapo e vërtetova këtë fakt me drejtorin ekzekutiv të dhomës amerikane të tregtisë. Dhe mendimi i tij është kundër asaj që do të bëni ju.

Prandaj do të lutesha të gjesh rrugën e drejtë, që ju të mos diktoheni nga dikush me interesa personale”, shkruan Kosta./E.T