Dhe kaq të harbuar Petritin s’e dinim!

Duket se shumë zët,

na kanë perënditë,

që dëgjojmë Petritin,

disa herë në ditë!

 

Dhe ka në të shprehur,

siguri idioti,

po ç’i kemi bërë,

që keq na tall Zoti!

 

Ne këtu e kishim,

po s’e kishim ditur,

që kishte në kafkë,

një mëndje té ndritur!

 

E ka LSI-ja,

si një avangard,

ky që arsimimin,

ka marrë në “Havard!”

 

Rroftë që miletin,

e zgjoi nga gjumi,

si s’doli më parë,

Petrit shkollëshumi?!

 

Kush e kish penguar,

i kish vënë kapistër,

se ky është i prerë,

për kryeministër!

 

Po tani askush,

s’e pengon të ndrijë,

ndaj fundi i Ramës,

nga Titi do vijë!

 

Titi që po shfaqet,

në formë të tërmetit,

tani është e vetmja,

shpresë e miletit!

 

Në shtyllën e turpit,

Ramën do ta nguli,

ky që është në fakt,

dhe më trap se Luli!

 

Ne që për pushtetin,

ndonjë bast e vinim,

dhe kaq të harbuar,

Vason nuk e dinim!

 

Kaq shpesh në TV-ë,

kur sheh kapedanin,

më e pakta gjë,

të thyesh ekranin!

 

Ramën numur dy,

ende s’e dimë ne,

po Titi kërkon,

qeveri të re?!

 

Qeveri të re,

kërkon shkollëshumi,

dhe në daltë “Tahiri”,

një flluckë sapuni!

 

Po këtë formulë,

njerzit nuk e dinë,

se është shumica,

që bën qeverinë!

 

Po çadra mendon:

“U bë deti kos,

pse të mos e futim,

vendin në kaos?!”

 

Ndaj krijuan frontin,

anti-kanabis,

martesë midis SHQUPIT,

edhe LSI-së!

 

Në krye të frontit,

një grua-një burrë,

dhe dhjetë figurantë,

që s’mungojnë kurrë!

 

Të njëjtë-si në zgjedhje,

tok i kemi patur,

po aty nga Petja,

s’ka më të spikatur!

 

Titi vetëtin,

se është i pari,

edhe pse është shtuar,

Koço Komisari!

 

Petja-more-Petja,

do na zgjidhi hallet,

po ç’i bëmë Zotit,

që kaq keq po tallet?!

 

A.DUKA