Importet e karburanteve shënuan një rënie të beftë në muajin dhjetor, kjo sipas të dhënave të Ministrisë së Financave. Gjatë dhjetorit u importuan pak më shumë se 25 mijë tonë. Kjo vlerë është 57 për qind më e ulët se e dhjetorit të vitit që shkoi dhe 45 për qind më i ulët se e muajit nëntor.
Në këto vlera importi i karburanteve ka shënuar vlerën më të ulët mujore gjatë gjithë vitit 2014 dhe në të gjithë dhjetorët e tjerë duke nisur që nga viti 2008. Çmimi i ulët në tregjet ndërkombëtare, duket se është arsyeja kryesore pse importet u kufizuan.
Importuesit bëjnë me dije se, i reduktuan furnizimet në dhjetor në pritje të çmimeve edhe më të ulëta. Kjo në fakt është një sjellë tipike e blerësve kur ulen çmimet. Çmimet në ulje frenojnë blerjet në pritje të uljeve të mëtejshme, duke ushtruar kështu presion në rënin e konsumit, por edhe në rënien e mëtejshme të çmimeve.
Në tërësi viti 2014 shënoi importe 1 për qind më të ulëta të karburanteve se, 2013. Gjatë vitit që shkoi u importuan 459,829 tonë nga 454,946 tonë që ishte importi i 2013. Konsumi final i karburantit nuk është ndikuar nga sjellja e çmimeve.
Të dhënat nga shitja me pakicë në tremujorin e tretë të vitit 2013 tregojnë se konsumi në këtë produkt është rritur me 4%.