Një diamant i zi miliardavjeçar, që besohet të jetë diamanti më i madh i prerë në botë është shitur për 3.16 milionë paund.
I quajtur “Enigma”, guri i çmuar prej 555,55 karatësh, pritej të merrte më shumë se 4,4 milionë paund në aksionin online.
Drejtuesi i ankandit Sotheby’s tha se “blerësi ka zgjedhur të përdorë kriptomonedhën për blerjen”.
Ekzistojnë disa teori rreth origjinës së gurit, duke përfshirë atë që guri u soll në Tokë nga një asteroid.
Sotheby’s nuk e identifikoi blerësin, por pas ankandit, sipërmarrësi i kriptomonedhave Richard Heart doli në mediat sociale duke shpallur se ai ishte blerësi i diamantit “Enigma”.
Ai u tha më shumë se 180,000 ndjekësve të tij në Twitter se “sapo të kryhej pagesa dhe të merrej në zotërim”, perla do të riemërohej “diamanti HEX.com”, duke iu referuar platformës blockchain që ai themeloi.
Perla është një karbonado, e cila është një nga format më të vështira të diamantit natyror.
Karbonadot janë jashtëzakonisht të rrallë dhe janë zbuluar ndonjëherë vetëm në Brazil dhe në Republikën e Afrikës Qendrore raporton “BBC”. Për shkak se këto lloje diamantesh përmbajnë osbornit, një mineral që gjendet vetëm në meteorë, besohet se e kanë origjinën nga hapësira.
Sotheby’s e përshkroi “Enigmën” si “një nga mrekullitë kozmike më të rralla, miliarda-vjeçare të njohura për njerëzimin”. Diamantet e zeza janë zakonisht rreth 2.6 deri në 3.2 miliardë vjet të vjetra, një kohë përpara se të ekzistonin dinosaurët.
Vetë Toka është rreth 4.65 miliardë vjet e vjetër.
i.b. / dita
Cfare mendimi kane Arnautet si Marini,Kocaqis,Dalipi per Originen e fjales Greke Enigma?