1-Puthja
Ngrihej mal Cezari,
mbi gjithë gjeneralët,
po kur puthte miken,
s’ish më me të gjallët!
Eh-ç’mundim i gjori,
gjeneral’ i ndritur,
vdiste aq i lumtur,
ngjallej i mërzitur!
2-Ylli im Polar
Kur ma kap shpirtin mërzia,
të kërkoj veç Ty,
vetëm Ti brengat e mia,
m’i heq me magji.
Dhe kur ndihem i trishtuar,
vij e ty të marr,
je në Botën e trazuar,
Ylli im Polar.
Ylli im që s’ke të shuar,
rrugën ma ndriço,
shpirt i lodhur-i lënduar,
një dritëz e do.
Që nga dita që të dua,
nuk ndjej më vetmi,
s’e kuptoj se ç’je për mua,
Zot-apo njeri?!
3-Magji e pafund
Në krevat të butë,
lakuriq të gjeta,
pleksur këmbët tona,
si katër gërsheta.
Duart si në ethe,
dridhen nëpër gjinj,
buza herë thith buzën,
herë puth sytë e zinj.
Në krevat të butë,
pa pirë-por të dehur,
thellë-në mes të këmbëve,
pret një çark i ngrehur.
Në krevat të butë,
tani s’ka më naze,
rrahim gjokset-rrahim,
me duf e tallaze.
Në krevat të butë,
magji e pafund,
puthmë-mike-puthmë,
ku do e ku mund.
Nga krevati i butë,
u arratis gjumi,
ti rënkon si deti,
unë gjëmoj si lumi.
4-Digjem ngadalë
O sy i menduar,
o buzë me muzikë,
té rri me ty vetëm,
kam frikë,oh-sa frikë!
Të rri me ty vetëm,
sa dua të rri,
po kam frikë mos bie,
prapë në dashuri!
Ndaj të shoh,
kaq rrallë,
dhe digjem,
ngadalë…
Prill 1987
Vargje fantastike per dashurine.Urime Duka.
C’thua mor zotri?!
(Ne po mbledhim arme!)
Behet dashuri
Neper bum,e bam?!..
Lirikat e tua,
Gati shkuar mjaltin!
O Ben sot s’i dua
Pa marrur xhevapin :
” Ajo Gjeja… ngordhi
Ama,prej verteti!..”
Ndryshe t’a harrojme
C’ish, a c’eshte lezeti…
Ne vargjet e tua ,gjej shpresen e humbur,guximin e vrare dhe fatin e braktisur.Ne vargjet e tua me ringjallet shpresa,se pas cdo furtune do lind e verteta,ajo e vertet nga vrasesit varrosur qe cirren cdo dite armet te rrokim.Por do vi dita te gjykohet e verteta se sa do pas gishtit te fshihesh ajo kelthet aty ne vargjet e tua.BRAVO O BEN TE LUMTE PENA.