“Dikur jetonim në frikë, sot fëmijët jetojnë në…”

Festa e dhjetëvjetorit të pavarësisë së Kosovës ka bërë që edhe aktorë, këngëtarë e artistë të të gjitha profileve të urojnë për këtë ditë të shënuar.

Arta Dobroshi, aktorja e njohur për të cilën jemi krenarë duke llogaritur sukseset e saj të vazhdueshme në kinematografi, ka uruar shqiptarët në Twitter.

Dobroshi, e cila u ngjit para disa vitesh në Festivalin e Kanës, ka thënë se është ndjenja e jashtëzakonshme të ecës në rrugët e Kosovës, në liri.

“Çfarë ndjenje e mirë të ecësh lirë në rrugët e Kosovës dhe të shohësh fëmijët në paqe, diçka që ne nuk e kemi pasur, sepse kemi jetuar në ndjenjë të vazhdueshme të frikës. Po e festojmë Pavarësinë. Jemi njerëz të mahnitshëm. Dëshiroj që ky planet të jetë vend i lirë për jetë, për të gjithë” ka shkruar Dobroshi në Twitter.

17 shkurti është shënuar dje me disa ngjarje. Festa do të vazhdojë për disa ditë gjatë këtij muaji . e.r./dita