Klubi më i madh i Kroacisë, Dinamo e Zagrebit, ka mbetur pa trajner pas dorëheqjes së trajnerit të njohur kroat Zlatko Kranjçar. Tre humbje të njëpasnjëshme gjatë këtij muaji, nga të cilat 2 në kampionat, me Osijekun 0-1 dhe Rijekën 5-2, dhe humbja në Ligën e Kampionëve 0-3 me Lionin kanë bërë që Kranjçar të mos vazhdojë më drejtimin e skuadrës.
Menjëherë drejtuesit e klubit janë vënë në kërkim të një zëvendësuesi dhe pistat e kërkimit janë brenda Ballkanit. Sipas të përditshmes kroate “Sportske Novosti”, kandidatët kryesorë për të marrë vendin e Kranjçar janë 3, dhe i pari mes tyre qëndron trajneri i Shqipërisë, Xhani De Biazi. Mes alternativave është edhe trajneri i kombëtares së Bullgarisë, Ivajlo Petev.
Faqja e parë e “Sportske Novosti” ditën e sotme Nuk dihet ende nëse mes palëve ka pasur ndonjë kontakt, por emri i madh i Dinamos së Zagrebit mund ta tundonte De Biazin të braktiste Shqipërinë në një kohë që sapo kanë filluar kualifikueset e Kupës së Botës “Rusi 2018”.