Vargje të nënshkruara
Vasil Dede.
Dhe bota u zbut pak…
E tha deg’ e lofatës
e tha dhe er’ e jugës
e tha shkëndij’ e natës
e tha dhe qengj’ i rudës
e tha një zog te veshi
e tha një sumbull vese
e tha foshnja dhe qeshi
e tha delja kaleshe
e tha hark’ i ylberit
e tha dhe burr’ i shtetit
e tha pllak e mermerit
e tha dhe val’ e detit
e tha vera në qelqe
e tha i moçmi plak
e tha një buzëqeshje
Dhe bota u zbut pak…