Presidenti Ilir Meta shprehu solidarizimin e plotë me komunitetin e gazetarëve, me rastin e Ditës Ndërkombëtare të Lirisë së Shtypit.
Meta inkurajoi reporterët, kryesisht ato të terrenit, që të jenë të guximshëm e të mos bien pre e shantazheve.
“Inkurajoj, në veçanti, reporterët e terrenit, të jenë gjithmonë aty ku lajmi ndodh, me guxim, pa u trembur dhe as shantazhuar nga askush. Koha kur gazetari dhunohet, kërcënohet e shantazhohet në kryerje të misionit të tij duhet të marrë fund.”
Presidenti i vendit dënoi çdo sulm e akt dhune ndaj gazetarëve, si dhe apeloi që autorët e krimeve ndaj përfaqësuesve të medias të vihen menjëherë para drejtësisë.
“Liria e shtypit është kusht i pazëvendësueshëm për respektimin e të drejtave të njeriut në një shoqëri demokratike,” ka thënë ai.
s.a/dita