Ministri i Mjedisit, Lefter Koka, përuroi dje fillimin e punimeve të projektit për Rehabilitimin e Parkut Kombëtar Divjakë-Karavasta. Gjatë ceremonisë së përurimit, ku ishte i pranishëm edhe deputeti i zonës, Erjon Braçe dhe kryetari i Bashkisë së Divjakës, ministri Koka tha se me këtë projekt synohet përmirësimi i infrastrukturës për mbrojtjen, menaxhimin dhe informimin e vizitorëve të këtij Parku. “Rehabilitimi i parqeve dhe i zonave të mbrojtura është një ndër prioritetet kryesore të Ministrisë së Mjedisit”, tha Koka.