Do të hiqet taksa ndaj Serbisë apo do të rrëzohet Qeveria? Haradinaj: Do shkrihet bora

Kryeministri i Kosovës, Ramush Haradinaj, ka deklaruar se e mirëpret takimin që do të mbahet nesër në mes tij, kryetarit të Kuvendit, Kadri Veseli dhe ambasadorit të ShBA-ve, Philip Kosnett, ku temë e diskutimit do të jetë taksa e vendosur nga Kosova për produktet që importohen nga Serbia dhe Bosnja e Hercegovina.

Pyetjes nëse më parë do të hiqet taksa apo do të rrezohet Qeveria, Haradinaj i është përgjigjur se do të shkrihet bora dikur.

“Sa mirë që thatë për nesër se ne deri nesër kemi me u pa prapë. Nuk po i përziejmë mesazhet, por prapë do kemi rastin sot ju lutem. E mirëpres takimin, diçka e mirë, është propozim i kryetarit Veselit dhe e mirëpres këtë takim”, tha ai.

Kujtojmë se më 21 nëntor, Qeveria e Kosovës mori vendim që mallrave që vijnë nga Serbia dhe Bosnja e Hercegovina t’iu vihet taksa 100 për qind. Që të shfuqizohet ky vendim ka pasur kërkesa edhe nga zyrtarë të BE-së

l.h/ dits