Doktorit i zhduken fansat

Para disa muajsh kemi bërë një shkrim që Sali Berisha kishte vënë si qëllim në vetvete që të bënte 1 milion fansa në Facebook për t’i thënë Ramës se dhe ai i ka 1 milion shuplaka pro. Aq seriozisht e kishte marrë sa ka bëra pagesa të majme për të kapur këtë shifër dhe për hir të së vërtetës ia arriti. Madje shkoi deri në… 1 milion e 50 mijë.

Mirë po dje ne shkuam sërish në Facebook-un e doktorit për të parë se sa ka shkuar ky numër. Për habi të të gjithëve pamë që Doktori jo vetëm që nuk kishte shtuar më fansa, por i kishin ikur rreth 100 mijë. Që ishin fiktivë nuk e vumë në dyshim asnjëherë, por që edhe Facebook ka prishur kontratën me të, duket qartë.

Doktori duhet t’i kërkojë llogari Markut (jo Frrokut) por Zukerbergut që t’i kthejë fansat fiktivë siç i kishte ose t’i kthejë lekët, sepse marrëveshja është marrëveshje, nuk është një premtim elektoral që mund të mashtrosh sa herë të duash. Eh mo Doktor, kur ta hedh edhe Zukerbergu ty, si duron njëherë…