Juventusi po rindërton, duke menduar për zëvendësimin e shtyllës kryesore të skuadrës. Futbollisti i radhës, për zëvendësimin e të cilin drejtuesit e “Zonjës së Vjetër” kanë nisur të mendojnë seriozisht është portieri legjendar, Gianluigi Buffon, i cili po luan muajt e tij të fundit si futbollist profesionist, por që edne nuk ka një alternativë në nivelin e kapitenit të Italisë.
Për këtë arsye, drejtuesit bardhezi kanë filluar aplikimin e një plani për blerjen e portierit që do të ketë misionin e vështirë për ta bërë sa më pak të ndjeshëm largimin e Buffon.
Kandidati kryesor për vendin e Buffon është pikëirsht futbollisti i Barcelonës, holandezi Jasper Cillesen. Aktualisht zëvendësuesi i Marc-André Ter Stegen te Barça, por titullar te përfaqësuesja e Holandës, portieri Cillesen e pëlqen shumë Italinë dhe konsiderohet si kandidati kryesor për portën e kampionëve të Italisë, për raportin cilësi-çmim.
Ndonëse Barça nuk ka për qëllim ta shesë, çmimi për portierin mendohet të jetë 15-18 milionë euro, për të qenë një opsion përfitues për klubin katalans, duke konsideruar faktin që Barça pagoi 10 milionë për blerjen e portierit të përfaqësueses holandeze.
Sipas raportimeve të spanjolles “Don Balon”, është vetë trajneri i Juventus, Massimiliano Allegri, ai që ka rekomanduar blerjen e futbollistit të Barcelonës, Jasper Cillesen.