Deputetja që ka dhënë dorëheqje nga Aleanca për Ardhmërinë e Kosovës, Donika Kada-Bujupi i është bashkuar zyrtarisht Lëvizjes Vetëvendosje.
Nënkryetari i Lëvizjes Vetëvendosje, Driton Çaushi i uroi mirëseardhje në Vetëvendosje, deputetes Donika Kada-Bujupit.
Ajo është pritur me duartrokitje në mbledhjen e Këshillit të Përgjithshëm të Lëvizjes Vetëvendosje, ku për shkaqe shëndetësore nuk po merr pjesë kryetari i kësaj lëvizje, Visar Ymeri.
Çaushi i tha të pranishmëve se Lëvizja Vetëvendosje është rritur gjatë këtyre muajve.