Drejtori i Operatorit të Shpërndarjes të Energjisë Elektrike në Kukës, Astrit Cengu, ka dhënë dorëheqjen paraditen e sotme.
Për momentin nuk dihen ende arsyet e dorëheqjes së tij.
Disa media raportojnë se shkak për dorëheqjen janë bërë debatet me kreun e ri të OSHEE-së, Ardian Çela, që dy ditë më parë zuri vendin e Arben Seferaj.
Ai duket se nuk ka gjetur gjuhën e përbashkët me drejtuesin e ri të përgjithshëm të Operatorit të Shpërndarjes së Energjisë Elektrike, dhe kjo e ka çuar edhe në ndërmarrjen e një hapi të tillë.
Kujtojmë që Kukësi është një ndër zonat më problematike për pagimin e energjisë elektrike.