Këshilltari i Donald Trump për Sigurinë e Brendshme, Tom Bossert ka dhënë dorëheqjen.
Ai u bë “i padëshiruar” në gusht të vitit 2017, kur ai iu përgjigj në formë shakaje postës elektronike duke pretenduar se ishte Jared Kushner, dhëndër i Trump dhe këshilltar i lartë.
Bossert është i fundit i një numri këshilltarësh dhe anëtarësh të qeverisë që largohen nga administrata e Trump dhe ndjek zëdhënësin e Këshillit Kombëtar të Sigurisë Michael Anton.
Bossert është ndihmësi i dytë i sigurisë kombëtare që të largohet që nga ardhja e John Bolton.
Në një deklaratë, sekretarja e shtypit e Shtëpisë së Bardhë, Sarah Sanders, tha: “Presidenti është mirënjohës për angazhimin e Tom-it për sigurinë e vendit tonë të madh. Tom udhëhoqi përpjekjet e Shtëpisë së Bardhë për të mbrojtur atdheun nga kërcënimet terroriste, për të forcuar mbrojtjen tonë kibernetike dhe për t’iu përgjigjur një sërë katastrofash natyrore të pashembullta. Presidenti Trump e falënderon atë për shërbimin e tij patriotik dhe i dëshiron mirë. “
Dorëheqja e Bossert u raportua për herë të parë nga Bloomberg Neës. Një veteran i administratës së George Ë Bush, Bossert kishte i shërbyer Trump që kur mori detyrën në 2017. Portali i Bossert përfshinte përgjigjet ndaj fatkeqësive natyrore si uraganet, si dhe sigurinë kibernetike.
l.h/ dita