Kreu i Federatës Botërore të Mundjes, FILA, jep dorëheqjen. Largimi i zviceranit Raphael Martinetti nga posti vjen pas vendimit të Komitetit Olimpik Ndërkombëtar për të hequr mundjen nga sportet e Olimpiadës që nga viti 2020.
Komiteti Ekzekutiv i Mundjes u mblodh në Tajlandë për të diskutuar mbi hapat që duhet të ndjekë për të rifituar vendin në Olimpiadë. Heqja e mundjes nga lojërat olimpike që në vitin 2020, si mundjen e lirë ashtu edhe stilin greko-romak, njohur ndryshe si mundja klasike, u bë me anë të një vendimi të papritur që Komiteti Olimpik Ndërkombëtar mori të martën e shkuar.