“Viti 2013 ka nisur ka nisur me një tablo ekonomike më të qartë, falë reformave të qeverive të vendeve të BE-së, por duhen më shumë përpjekje për të nxjerrë Unionin nga kriza dhe për të rikthyer besimin dhe rritjen”. Kështu është shprehur presidenti i Bankës Qendrore Europiane, Mario Dragi, gjatë një seance në Parlamentin Europian.
“Nuk ka ende përmirësim të ekonomisë reale, pavarësisht se ka sinjale stabilizimi. Në mënyrë që të shohim rimëkëmbjen graduale të mundshme, duhet të presim gjysmën e dytë të vitit”, thotë Dragi.
Sipas kreut të BQE-së, kursi i këmbimit të euros nuk është ndër objektivat e politikave të bankës më të madhe europiane, por ajo mbetet e rëndësishme për sa i përket rritjes dhe inflacionit. Konsolidimi i saj është i nevojshëm, pasi të gjithë e dimë se ndikon në tkurrjen afatshkurtër të ekonomisë.