Europa nuk do të mund ta kapërcejë krizën deri në gjysmën e dytë të viti të ardhshëm. Ky është paralajmërimi që vjen nga presidenti i Bankës Qendrore Europiane, Mario Dragi.
Si për të konfirmuar deklaratën e Dragit për krizën europiane vijnë shifrat e papunësisë për eurozonën. Muaji tetor shënoi në zonën euro një tjetër rekord për sa i përket papunësisë, duke arritur në 11.7%.
Gjithashtu, inflacioni ka rënë nga 2.5 në 2.2% në muajin nëntor.
Shifrat flasin për një recesion më të cekët në zonën euro, por gjithsesi dalja nga kriza duket ende larg.