Dërguar me Email
në adresën e redaksisë
Logo e re e së majtës së bashkuar në këtë fushatë zgjedhore nuk është thjesht një gjetje metaforike, por pikë së pari një logo domethënëse gjithëpërfshirëse. Kjo shprehet më së miri në bashkëpunimin e aleancës në çdo aspekt të kësaj fushate, si në caktimin e kandidatëve, ashtu edhe në bashkëpunimin hap pas hapi me elektoratin, por edhe me rininë nëpërmjet strukturave. Është për t’u përmendur fakti se në drejtimin e këtyre strukturave janë zgjedhur me të vërtetë njerëzit e duhur. Kështu shtabi elektoral në njësinë administrative Zejmen drejtuar nga z.Marjan Ndoka po e bashkërendon punën me të rinjtë e FRESSH Zejmen nën drejtimin e Erlando Smaçit, duke shprehur edhe një herë se të rinjtë janë një promotor i zhvillimit dhe demokracisë. Ndërsa nga ana tjetër fushata elektorale duket se ka marrë edhe mbështetjen e popullit ku me anë të takimeve elektorale ata kanë pasur mundësinë të shprehin idetë e tyre jo vetëm me kandidatin e aleancës, por edhe me deputeten e zonës znj. Kryemadhi. Nga Preng Pjetri, Zejmen.