Bashkia e Shkodrës u ka bërë kërkesë shkollave në njësitë administrative të bashkisë dhe Drejtorisë Rajonale të Arsimit ku i kërkon që objektet e shkollave të mos aksesohen nga persona apo institucione të paautorizuar nga Bashkia.
Por pas bashkisë, Ministria e Arsimit u është drejtuar me një shkresë drejtorëve të shkollave ku u kërkon të sigurojnë materialet zgjedhore dhe të vënë në dispozicion objektet për qendra votimi.
Drejtuesit e këtyre institucioneve në Shkodër nuk dijnë kujt ti referohen në këtë rast për zbatimin e ligjit, bashkisë që ka në administrim shkollat apo Ministrisë
Mësohet se në Shkodër të gjitha institucioneve në varësi të bashkisë, drejtuesve u janë marrë çelësat prej 2 ditësh, duke i kyçur godinat si teatri “Migjeni”, shkollat dhe KZAZ-të.
Sipas burimeve çelësat janë në administrim të titullarëve të bashkisë.
e.t./dita