Dritëro Agolli i ka nisur një letër ambasadorit amerikan në Tiranë Arvizu, ku e uron për zgjedhjet në SHBA dhe shkruan që shpreson që zgjedhjet e atjeshme të jenë një shkollë frutdhënëse për politikën e ashpër shqiptare. Letra është shkruar me shkrim dore dhe është firmosur nga shkrimtari i njohur.
Ambasada Amerikane në Tiranë ka marrë gjatë ditës së sotme urime të shumta. “Arsyeja se përse sfidanti i Obamës, Romney mbajti një fjalim ku pranoi humbjen është se integriteti i zgjedhjeve është i sigurtë. Eshtë shumë e rëndësishme që shqiptarët të punojnë së bashku që zgjedhje të jenë të mira. Kushdo që do të humbasë, ta pranojë zgjedhjen e popullit”, – tha sot Arvizu duke komentuar zgjedhjet amerikane edhe si një leksion për atë që pritet në zgjedhjet e 2013-s në Shqipëri.